aft werd's gaunz staad do umanaund

aft werd's gaunz staad do umanaund
da schnee deckt no de letzdn wüpfi zua
da haushund schlofd inta da ofnbaunk
ma bleibt im haus und ollas kimmt zua ruah

a weiße deckn legt se iwa stoa und föhd
und nua de kotz ziagt spurn wia ollawei
des is de zeid wo ma in d'fensta kerzal stöhd
und wo i mi auf tee und keksal gfrei

wo oide und a junge leit beinaunda huckn
da oane zitta spüd, da aundare gitar
wo mia bein singa gaunz noh zsaummaruckn
und neamt wos wissad wos nu scheena war

stüh liegt in tiafm wintaschlof da woid
und waun daun in da eckn 's krippal stehd
waun weiß da zauwa dicht vom hümmi foid
daun woas ma dass af d'weihnochd zuwa gehd

.dez_2023